Lenkawl

MNF Party chuan nimin khan Mizoram hmun hrang hrangah ‘Martar Day” hmangin Serchhip-ah pawh he Ni hi urhsun taka hman a ni.

Kumin chhunga Serchhip District-a African Swine Fever (ASF) vanga Vawk thi leh suat chu sang thum a tling dawn hnai ta a, Vawk leh Vawksa atanga lakluh khuahkhirh zui zel a ni.

“Tuna kan kalphung thar tur hi kan enchhin dawn” - Lalduhoma

Zoram People's Movement (ZPM) Party chuan an President atan Chief Minister nilai Lalduhoma chu an puang ta a, ZPM President thar tur Lalduhoma chuan “Tuna kan kalphung thar tur hi kan enchhin dawn a, a that loh chuan a tha zawk hmangin kan kal leh mai dawn a ni,” a ti.

Prime Minister Narendra Modi-a'n November ni 23, 2023-a a tlangzarh Pradhan Mantri Janjati Adivasi Nyaya Maha Abhiyan (PM JANMAN) hnuaiah State 18 leh Union Territory 1-a Eng (electric) la nei lo chhungkaw nuai khat te tan Solar Power Scheme-ah cheng vbc. 515 pek a ni tawh a; In sak sak tura ruahman 4,70,000 atangin 2,50,000 vel sak zawh a ni tawh bawk.

Chief Minister Lalduhoma chuan kum 2047-a India GDP-a 1% lo thawhchhuah ve theih an tum thu sawiin, “He kan tum ram thleng tur hian kan economy ruhrel hi thlak a ngai tih pawh kan hria,” a ti.

BJP Mizoram State Core Group Member leh Palak Bialtu MLA K. Hrahmo chuan, “Mizoram-ah Uniform Civil Code (UCC) hi hman ve ni rawh se,” a ti.

Kumtin September 21-a hman thin ‘World Alzheimer's Day’ chu nimin khan hmun hrang hrang ah hman leh niin Aizawl-ah pawh he ni pual hian Chanmari YMA Hall-ah hun hman a ni a, he hun hi ARDSI : Mizoram Chapter President Vanneihtluanga chuan kaihruaiin Dr. Lalrinhlui, Asst. Professor leh Lalremruati Hnamte, RIPANS chuan Alzheimer natna neite enkawl dan chung-changa hriattur pawimawhte sawiin, Prof. HK. Laldinpuii Fente, MZU leh Dr. Lalrinchhani, Asst Scientist, Florida University, USA te chuan Alzheimer’s Diagnosis and Poster Competition chungchang an sawi bawk a ni. He hunah hian Alzheimer vei enkawltute chawimawina hlan an ni bawk.

Mizoram-a rawn zin India hmarchhak Bialtu NITI Aayog Member Dr. Joram Aniya chu nimin khan Chief Minister Lalduhoma chuan a Pisa-ah kawmin Mizoram hmasawnna tur thil pawimawh hrang hrang an sawidun a. Chief Minister hian NITI Aayog-a an thil thlen ten ngaihpawimawh a hlawh thin avanga lawmthu sawiin, “Kan hmathlir tihlawhtling turin in thawhpuina hi kan mamawh reng dawn a ni,” a ti a. Dr. Joram Aniya chuan NITI Aayog chuan Mizoram hmasawnna tura hmalakna tinrengah a thawhpui tlat tur thu Chief Minister hi a hrilh ve bawk a ni.

Bualpui khaw mi te kut tura boral nia hriat Zakaria Lalhriattluanga chu nimin khan vuiliam niin he thil thleng ah hian mi 11 te thu thu zawhfiah turin man an ni tawh.

Comptroller & Auditor General of India (CAG) report chuan Aizawl Zodin Square a lirthei dahna hmun siamna-ah cheng vbc. 8 chuang hman tangkai lohin sen a nih thu an sawi.

Dan dik tawk lova Family Pension la mi 261 te chuan an Pension Payment Orders (PPOs) te sawrkarah an pe kir tawh.