Hri kai 121 hmuh belh leh

Serchhip District-ah ni khat-a COVID-19 hri kai hmuhchhuah a la tlahniam thei meuh lo a, nimin khan hri kai mi 121 zet hmuh belh leh an ni.

Nimin a Serchhip District-a hri kai hmuh te zinga 42 zet chu Serchhip khawpui chhung a mi te an ni a, Serchhip-a hri kai hmuh thar te hi P&E Veng-ah mi 10, Vengchung-ah 5, New Serchhip Venglai leh IOC Veng-ah mi 4 ve ve, Chanmari Veng, Dinthar Veng, Leisang Veng leh Tuikhuah Veng-ah mi 3 theuh, New Serchhip Bazar Veng-ah mi pahnih leh AOC Veng, Field Veng, Zozam Veng, Hmar Veng leh Ramthlun Veng-ah mi pakhat theuh te an ni.

Heng bakah hian Khawlailung khua ah hri kai mi 22 hmuh niin Thenzawl-ah 21 hmuh an ni a, Chhingchhip-ah hri kai mi 13 hmuh ni bawkin North Vanlaiphai-ah 9, Thentlang-ah 7, Piler-ah 4, Chhiahtlang-ah 2 leh Hriangtlang khua ah hri kai mi pakhat hmuh an ni bawk.

Nimin khan Serchhip District-a hri kai enkawl dam mi 32 an awm belh leh a, heti hian nizan thlenga Serchhip District-a hri kai hmuh tawh chu 10,344 niin an zinga 9380 te chu en-kawl dam an ni tawh a, hei hi hri kai hmuh tawh atanga chhutin zaa 90.68 te chu enkawl dam ni tawhin hri kai enkawllai 938 awmin mi 26 an boral tawh bawk a ni.