House-ah Private Member Bill hnawl a ni

Mimal lirthei khalhtute leh enkawltute tana hamthatna tur Private Member's Bill 'Mizoram Private Transport Workers (Welfare) Bill, 2022' tih nimin-a Mizoram Budget Session neiha Aizawl North-II bialtu MLA Dr. Vanlalthlana'n a putluh chu sawihona neih a nih hnuah hnawl a ni.

Private Mmber's Bill a put luh chhan sawiin Dr. Vanlalthlana chuan, “Mizoram-a lirthei khalhtute leh enkawlte hian tlang chhengchhe tak tak leh kawng nalah, kan dam khawchhuahna atan damdawi te, silhfen te, ei tur leh thil tam tak min phurhsak thin a. Mipuite'n hmun hla tak kan thlen theih phah a, ramri buaiah pawh a hmatawngtute chu driver-te an ni a, mahni nunna atan pawha hlauhawm khawpin an tei a ngai a ni. Chuvang chuan, anmahni tuamhlawm a, enkawl let hi kan bat niin ka hria,” a ti.

Dr. Vanlalthlana hian a bill putluh chungchang a sawifiah danin, mimal lirthei khalhtute emaw, Handyman emaw te hi Minimum Wages Act dan tlawhchhana rawih tur a nih thu te, ni khatah darkar 11 aia rei emaw, kar khatah ni 55 aia rei emaw chhawr theih loh a nih thu te, chhum lo chat lo a darkar nga chhawr an nih chuan ni khat chawlh an nei tur tih te leh lirthei neitute'n dan an awm loh emaw, sum thawh tur ang an thawh duh loh avanga hremna awm thei te a bill put luhah hian a chuang tih a sawi.

The Mizoram Private Transport Workers (Welfare) Bill, 2022 chungchang hi member 24 hian an sawi a, he'ng zingah thlawptu mi pakua niin, mi 15 in an thlawp lo thung a, House Leader, Chief Minister Zoramthanga chuan Bill sawiho chu Driver-te tan a that rualin fel lo lai te pawh a awm ve tih sawiin, Welfare Fund, Driver-te tan leh motor neitute hnen atanga lakkhawm a nih dawn chuan inrawntlan a ngai a, Bill chu pass rih loh nise a duh tih a sawi a. Bill hi buk a nih hnuah a tam zawkin bill pass an thlawp loh avangin hnawl a ni ta a ni.

Comments

Popular posts from this blog

Tukverh-a tlasual boral