Latest News

Chuhvel khaw dai-a Police Duty-ah MP in a tlawh

Mizoram Rajya Sabha MP K.Vanlalvena chuan niminpiah khan Mamit District chhung Chuhvel khaw daia Assam ramri bul hnaiha Mizoram Police Duty Post te a tlawh.

Rajya Sabha MP hian nikum lama Assam Police ten Mizoram chhunga Hallidaya huan-a hnathawktute an rawn tihbuai avanga Mizoram sawrkarin Mizoram Police Duty Post a siam thar te chua hmunah kal chilhin an dinhmun te a en a, Chuhvel VCP leh khawtlang hruaitute leh an party hruaitu ten tawiawmin Police Post Commander Inspector B.Lalnunsanga ten an lo dawngsawng a ni.

He hunah hian Rajya Sabha MP K. Vanlalvena chuan Google Map Imaginary Boundary Line tih chhuanlama hmanga Assam ho ten an ram nia an chhal thui tak awpa Mizoram sawrkarin Police te duty post a siam thar chu thil chhinchhiah tlak tak a ni, a ti a. Helai hmuna Police Duty post tur building panga (5) sak thar tura Mizoram sawrkarin Tender a chhuah mek te, a panna kawng tha zawk siam tura sawrkar inbuatsaihna te, Police duty Post-a Solar Lght sawrkarin a lo dahte chu lawmawm a tih thu leh thlamuan thlak a tih thute a sawi a. Mizoram Police duty Post panna kawnga luite pahnih chunga motor Lei dawh thatna tur pawh MP LAD Fund neih hunah pek ngei a tum thu a sawi bawk.

Comments

Popular News (Last 30 Days)