Hri kai 138 hmuh belh leh

Nimin khan Serchhip District-ah COVID-19 hri kai mi 138 zet hmuh belh leh an ni a, tunkar chhungin nitin-a hri kai hmuhchhuah hi mi za aiin an la tam ziah a ni.

Nimin hri kai hmuhchhuah zingah hian Serchhip-a hri kai hmuhchhuah mi 41 awmin New Serchhip North-ah 13, Veng-chung-ah 7, P&E Veng-ah 4, New Serchhip Venglai leh Zozam Veng-ah mi 3 ve ve, Bazar Veng, Dinthar Veng leh Field Veng-ah mi 2 theuh leh AOC Veng, Chanmari Veng, Venglai, Hmar Veng leh Khawtetlang-ah hri kai mi pakhat theuh hmuh an ni bawk.

Heng bakah hian North Vanlaiphai-ah hri kai mi 24 hmuh niin Khawlailung-ah 21 hmuh an ni bawk a, Bungtlang-ah hri kai mi 20 hmuh niin Thenzawl-ah 9, Chhiahtlang leh Chhingchhip khua ah mi 7 ve ve, Buangpui leh Kanghmun South-ah mi 4 ve ve leh Thentlang-ah hri kai mi pakhat hmuh an ni bawk.

Nimin khan Serchhip District-ah hri kai mi 121 te enkawl dam an ni ve leh a, heti hian nimin thleng khan Serchhip District-a hri kai hmuh tawh zawng zawng chu 11,389 niin hri kai zinga 10,245 te chu enkawl dam an ni tawh a, hei hi hri kai hmuhchhuah atanga chhutin za zela 89.95 te chu enkawl dam an ni tawh a, hri kai enkawllai 1117 la awmin hri kai zingah mi 27 an boral tawh bawk a ni.

Comments

Popular posts from this blog

Tukverh-a tlasual boral