Lenkawl

Kumin chhunga Serchhip District-a African Swine Fever (ASF) vanga Vawk thi leh suat chu a vaiin 2978 a tling tawh.

Inrinni kaltaa Tuichang lui, Khawlailung leh Hmunzawl inkar-a chesuala tui-a tla Zoramchhana chu nimin zing khan a ruang hmuh niin nimin vek khan vuiliam nghal a ni. Kum 39-a upa Khawlailung khaw mi Zoramchhana ruang hi a tlakna atanga lui mawng lam…

Food, Civil Supplies & Consumer Affairs Department changtu Minister B. Lalchhanzova chuan March 2027-ah chuan Mizoram-ah Natural Gas hmang ve hman tura hmalak a nih thu a sawi.

Food, Civil Supplies & Consumer Affairs (FCSCA) Department chuan Mizoram pumah Ration Card 2,93,995 an pechhuak a, thla hmasa August aiin Ration Card hi 13-in a tlem zawk a ni.

Mizo Zirlai Pawl (MZP) General Hqrs. chuan Mizoram chhunga hnamdang Petrol pump enkawl leh hnamdangte thawhna Petrol pump chu September ni 17, 2026 (Ningani) atanga khar turin an hriattir.

Ramchhung hmun dangte rualin nimin khan Mizoram-ah Hindi Ni (Hindi Diwas) hman a ni a, Aizawl Vanapa Hall-a he ni puala ‘Hindi Concert’ neih chu Larsap General (Dr) Vijay Kumar Singh chuan khuallian niin a hmanpui a ni.

Chief Minister Lalduhoma chuan Hindi thiam tura thalaite chahin, “Hindi kan thiam vang emaw, thiam kan duh vang emaw-a an hnamzia entawn kher kha a tul lem lo,” tiin kan Culture nena Hindi thiam turin thalaite chu a chah bawk.

ZPM Party chuan nimin khan Aizawl-a an party Office-ah Chhung Inkhawm neiin he huna thu sawitu Home Minister K. Sapdanga chuan hruaitu thar an neih dawn thu a sawi.

Kolasib Bialtu MLA leh Assembly Deputy Speaker Lalfamkima chuan nimin khan ‘Lalremsiami Hockey Playground’ siamna hmun tura ruahman, Kolasib Diakkawn GSA Playground chu a hmunah kalin a enfiah. Deputy Speaker Lalfamkima chuan, Mizoram Sawrkarin Mizo nula, infiammi chhuanawm Lalremsiami chawimawina atan a hming chawiin he Hockey khelmual hi ruahman a nih thu sawiin, Khelmual hming atan hian 'Lalremsiami Hockey Ground, Diakkawn Field' tih a nih dawn thu a sawi a. Kumin August ni 18 khan infiammi 17 zingah Lalremsiami hian India rama infiammite chawimawina sang, Arjuna Award a dawn thu a sawi bawk.

MNF President Zoramthanga chuan an Party Constitution Bung 3, chang 21B (xv) in thuneihna a pek angin MNF Party chak zawk leh tluang zawka a kal zel theih nan an party hruaitu a ruat belh a, hemi ang hian Working President atan Tawnluia (Chawnpui Veng) leh Vice President atan Lalchamliana (Electric Veng) leh D. Thang-liana (Khatla)-te chu a ruat thar a. MNF Party-ah hian Dr. R. Lalthangliana chu Sr. Vice President ni sa in, Vice President-ah Vanlalzawma leh Lalchhandama Ralte te bakah Treasurer-ah Lalruatkima te an lo awm sa tawh bawk a ni.