Sava leh ramsa veh khap

Serchhip District Magistrate chuan Serchhip District chhunga Dan lova Silai kawl leh Sava leh ramsa te veh khapna thupek a tichhuak.

Hemi chungchanga thuchhuah a siamah Serchhip District Magistrate Nazuk Kumar IAS chuan tunlai hian Mizoram chhungah dan lova silai kawl an awm tih hriat a nih thu leh Sava leh ramsa chi hrang hrangte silai/sairawkherh leh a dangte hmanga veh an ni \hin tih hriat a ni tih a tarlang a. Ram chhunga sava leh ramsa te an lo chereu mai loh nan leh humhim an nih theih nan Sec. 144 Cr. PC, 1973 in thuneihna a pek angin Serchhip District chhungah dan lova silai kawl khap tlat a nih thu leh ramhnuaia Sava leh ramsa te silai/Sairawkherh leh a dangte hmanga veh/kah/pelh hi khap tlat a ni tih a tarlang a ni. He thupek hi tun thla ni 10-a chhuah a ni a\anga thla hnih (2) chhung huam tur niin thupek zawmlo chu Section 188 IPC hmanga hrem an ni ang.