Eng chhit man tihsan tumna MPYCC in an dodal

Mizoram Pradesh Youth Congress Committee (MPYCC) chuan Mizoram sawrkarin Kawlphetha chhit man tihsan tuma a rawtna chu an pawm loh thu nimin khan Joint Electricity Regulatory Commission (for Manipur & Mizoram) Office-ah ziakin an thlen.

Congress Thalai ten JERC Secretary hnena lehkha an thehluh ah hian nikum 2021 April khan Mizoram sawrkar chuan Kawlphetha chhit man 41.92% laiin tihsan a rawt tawh thu leh an rawtna a san em avangin 20.68% in tihpun a ni tih tarlangin, kum khat em pawh a vei hmain Eng chhit man tihpun rawtna lo awm lehin, a hmaa an duh loh leh pawm harsa an tih ang thoa kawlphetha hman man, uchuak taka tihpun rawt a ni leh ta mai chu hriatthiam harsa an tih thu an tarlang a ni. Congress Thalai President Dr. Lalmalsawma chuan mipuiin COVID-19 avanga harsatna an tawh laia uchuak taka eng chhit man tihsan tum chu mipuiin an tlin tawh rihlo tih sawiin, MNF Party mipuite pawh kawlphetha chhit man sang dodal turin a sawm bawk.