Assembly Session-ah Mizo Language Development Board (Draft) Bill, 2022 putluh a ni dawn

Mizo Language Development Board (Draft) Bill, 2022 chu karleh-a Assembly Budget Session neih turah putluh a ni dawn tih Human Resources Development Board Vice Chairman L. Thangmawia, MLA chuan a sawi.

Mizo Academy of Letters (MAL), Mizo Writer’s Association (MWA), Mizo Grammar Society (MGS) leh Mizo Poetry Society hruaitute nen a pisa-a an inkawmhona nimin-a neih ah he thu hi sawiin L. Thangmawia chuan hemi kawnga tan latu leh tha thawhtu pawl hrang hrang MAL, MWA, MGS, MPS bakah sawrkar official te leh Study Team member te, mimal thahnemngai zawng zawngte chungah lawmthu a sawi a, “Mahni sum leh pai pawh seng hreh lova Mizo Tawng humhalh tura an hmalakna chu a thlawn dawn lo a ni,” a ti a. “Mizo Language Development Board kan nei thei a nih ngat chuan a pawimawh hle dawn a, Mizo hnam hrang hrangte min thendarhtu a nih theih rualin min zawm-khawma min thlung khawmtu a nih theih bawk avangin hnathawh kawngah pawh a fimkhur a ngai hle dawn a ni,” a ti bawk.

Nimin-a Pawl hrang hrang aiawh kalkhawmte chuan Mizo Language Development Board an nghahlelh thu an sawi a, Mizo tawng humhalh leh tihchangtlun zelna tur atan hun thar a in herchhuak dawna an hriat thu sawiin, an phur hle tih an sawi a ni.

Comments

Popular posts from this blog

Tukverh-a tlasual boral