Raltlan chhiarpui nei mek

Myanmar atanga raltlan lo lutte chhiar leh chhinchhiah hna chu thawh mek zel a ni a, a theih chinah Identity Card pawh pek zel an ni.

Home Secretary Vanlalngaihsaka chuan raltlan zat chhiar leh chhinchhiah bakah Identity Card siam-sak hna hi District tinah kalpui mek zel a nih avangin tun dinhmunah raltlan chhinchhiah tawh zat hi hriat theih a nih loh thu a sawi a. A theih anga chaka kalpui a nih thu a sawi bawk. Raltlan lo lut hi mi 20,000 vel zet tling tawha sawi a ni a, amaherawh chu kirleh an awm ve reng bakah District dang leh Mizoram pawn thlenga chhuak an awm ve bawk avangin a zat hi a inthlak reng ni a thudawn a ni. Raltlan hi Lawngtlai District-ah an tam ber a, Central YLA chhinchhiah dan chuan mi 6,347 an awm mek a. Champhai leh Aizawl District-ah 5,000 chuang fe an awm ve ve bawk a, an zingah hian kum 2020 Myanmar inthlanpui a thlantlin MP 20 chuang an tel ve a ni. Raltlan zinga naupang sikul kal rual mi 2,000 bawr vel chuan zirna an chhunzawm tawh bawk a ni.