ILP sponsor theilo turin hrem

Thenzawl khua a Dan lova ILP fello chunga hnamdang chhawrtu mi 5 te chu kum hnih (2) chhung ILP sponsor theilo tur leh pawisafai chawi tura tih an ni.

Thudawn danin tun thla ni 7 khan Thenzawl Police te chuan Thenzawl khawchhung a hnamdang awm te chu Mizoram-a awm phalna, Inner Line Permit (ILP) an neih leh neihloh enfiah runpui an nei a, he hunah hian ILP fello mi 10 man niin heng mite hi Serchhip District Court-ah hruai an ni a, heng mite hi Court chuan thiamloh chantirin document fello chunga lo chhawrtu Then-zawl-a mi 5 te chungah pawh a tul anga hma la turin Serchhip District Bawrhsap chu a ti a ni.

Hemi chungchangah hian Serchhip District Bawrhsap chuan February ni 8, 2022 khan thupek tichhuakin hnamdang ILP neilo mi 10 te hi Mizoram chhuahsan turin a thawnhaw a, heng mi te lo chhawrtu mi panga te pawh a hun taka an hnamdang chhawrte ILP an tihfel hmanloh avang hian hremna pein, Guidelines for the Enforcement of The Inner Line Regulation in Mizoram 2014, Section 18 (2)(a) tlawhchhanin kum hnih (2) chhung ILP sponsor theilo tur leh an hnamdang an lo chhawr mi pakhat zelah Rs. 1000/- zel chawi turin a ti bawk a ni. Tun tuma thawn-haw tak hnamdang mi 10 zinga 4 te hi Karimganj lam mi niin Pathar-kandi lam mi 4 bakah Silchar lam mi pahnih an tel bawk a ni.