International Border Trading Road siam mek tlawh

Social Welfare Minister Dr. K. Beichhua chuan cheng vbc. 51 senga siam mek International Border Trading Road, Lobo-Tluangram-Haka kawng chu Inrinni khan a tlawh.

He kawngpui hi KM 13-a thui tur niin, Tantia Company thawh a ni a, NEC atanga sum hmuh hmanga thawh niin kawngpui hi meter 7.5 a zau a ni a, pavement Area hi meter 5.5 a zau a ni thung. Kumin January atanga hna hi thawh tan niin, tunah hian Formation Cutting KM 3 vel an zo tawh a ni.

SWD Minister hian Noaotlah khuaa Eklavya Model Residential School (EMRS) sak lai pawh tlawhin, contractor te chu kumin November thla ralhma a hna hi thawk zo hman turin a hrilh hlawm a, Lobo leh Noaotlah khuaa Vantlang Inkhawm-ah thu sawiin Minister chuan, Sawrkar Flagship Programme, SEDP atangin hmasawnna ruhrel tam tak an thawk tih a sawi a, Financial Year thar ah chhungkaw 60,000 aia tlem lo hnenah Rs.50,000/- theuh 1st Instalment an sem dawn tih sawiin, Siaha District-ah pawh SEDP atangin tanpuina an sem dawn tih a sawi a, Sericulture Department hnuaiah Beneficiary chhungkaw 150, Horticulture Department hnuaiah chhungkaw 75 leh Agriculture Department hnuaiah chhungkaw 300 hnenah an tel dawn tih a sawi bawk. Minister hian Lobo leh Noaotlah khuaa Myanmar Refugees te tlawhin tanpuina tangkafai a hlan bawk.