Governor Hari Babu Kambhampati-a’n ICFAI University Mizoram hotute kawm

Mizoram Governor Hari Babu Kambhampati chuan ICFAI University, Mizoram-a Vice Chancellor Prof. R.P.Vadhera leh Registrar Dr. David Lawmzuala te chu nimin khan Raj Bhavan-ah kawmin an hnathawh dan leh harsatna an neih te a sawipui.

He inkawmna ah hian Larsap chuan ICFAI University Mizoram hotute chu an hnathawhna ah te harsatna an tawk em tih te, an hmasawnna te bakah kum rei vak lo kal taa ICFAI University zirlaite leh Campus thuneitute inkara inhmuhthiamlohna chungchang te a zawt a. ICFAI hotuten Campus buaina chinfel a nih tawh thu leh tunah chuan tha takin zirna kalpui a nih thu te bakah Campus buaina avanga zirlai kum 2 chhung vel an neih tlem hnuah zirlai pangngai takin an neih belh tawh thu te an sawi a ni. Governor chuan ICFAI University Mizoram-ah zirlai ten boruak tha tak hnuaiah zirna an chhunzawm zel theihnan a thuneitute lam pawh tan la zel turin a fuih a ni.

Mizoram a zirna In sang zawkah te Professional leh Vocational Course a la awm tam loh laia ICFAI University in hetiang lama zirna tha tak a kalpui chu Mizoram tan leh Mizo thalaite tan malsawmna a ni tih Governor chuan sawiin, Skill Development lamah Mizo thalaite an zuanluh tam a, Mizoram pawna hna tha tak tak an thawh theih nan Science zirtirna tha leh Softskill lamah te tan lak a la ngai nasa hle tih a sawi a. Mizo thalai ten pawnlama hnathawh an huphurhna tibo turin English leh Hindi tawng thiamah tan lak a la ngai bawk nia a hriat thu sawiin, High School tam takah Science Cubject zirtirtu an awm loh avangin zirlai tam takin pawl 11 leh 12-ah Science Subject an la pha thin lo chu pawi a tih thu a sawi a. Kum tina Science Gaduate Mizoram atanga chhuak leh State danga chhuak zat a inthlau lutuk nia a hriat thu sawiin, tan lak a la ngai tih a sawi bawk.

ICFAI Mizoram hian Professional Degree leh Diploma Certificate Course hrang hrang - Big Data, Cloud Computing, Cyber Security, Design Thinking, Digital Marketing, Fundamentals of Programming, Data Analytics, Internet of Things Business Analytics, Machine Learning leh Deep Learning Data Science zirna hawn a tum hnai a. Paramedical Medical Sciences huanga Diploma leh Certificate Courses hrang hrang - Radiologist Assistant, Medical Laboratory Assistant, Operation Theatre Assistant, Nursing Care Assistant, ECG Assistant, Dental Assistant, Ophthalmic Technician, CT Scan Technician, Dialysis Assistants, ECG Assistants, MRI Technicians leh CT Scan Technicians etc., zirna te pawh hawn tum mek a ni a. Heng bakah hian, ICFAI Mizoram Mizoram chhunga a hmasa ber ni turin D.P.Ed. leh B.P.Ed. programmes te pawh hawn tum niin 2022 Academic Session chhungin Subject thenkhatah Ph.D. programme kalpui tum a ni.

Comments

Popular posts from this blog

Tukverh-a tlasual boral