Mizoram-ah COVID-19 kai hmuhchhuah pung zel

Niminpiah khan Mizoram-ah Sample enfiah 6328 awmin heng atang hian COVID-19 hri kai 1956 hmuhchhuah an ni a, hri kai hmuh hi tlem hret mah se Sample enfiah atanga za zela 30.91 zetin hri hi an la kai thung a ni.

Niminpiah khan ZMC-a RT-PCR Laboratory-ah Sample 1254 enfiah niin heng atang hian COVID-19 hri kai 452 hmuh an ni a, Lunglei-a RT-PCR Laboratory-ah Sample 89 enfiah niin heng atang hian hri kai mi 57 zet hmuh an ni bawk. Fluorescent Immunoassay Test hmangin Aizawl District-ah Sample 58 enfiah niin hri kai 19 hmuh an ni a, Serchhip District-ah Sample 72 enfiah niin hri kai mi 16 hmuh an ni bawk.

District hrang hranga TrueNat Laboratory-ah Sample 167 enfiah niin hri kai 51 hmuh ni ni bawk a, an zinga 30 chu Mamit District a mi te niin Champhai District-ah 9, Siaha District-ah 4, Saitual District-ah 3, Aizawl leh Serchhip District-ah 2 ve ve leh Lawngtlai District-ah hri kai mi pakhat hmuh an ni bawk.

Rapid Antigen Test hmangin niminpiah khan Sample 4688 enfiah niin hri kai mi 1361 hmuh an ni bawk a, an zinga 784 te chu Aizawl District-a hri kai hmuhchhuah te niin Mamit District-ah 172, Lunglei District-ah 128, Champhai District-ah 88, Serchhip District-ah 77, Kolasib District-ah 71, Saitual District-ah 45, Khawzawl District-ah 26, Lawngtlai District-ah 23 leh Siaha District-ah hri kai mi 13 hmuh an ni.

Heti hian Mizoram-a COVID-19 hri kai hmuhchhuah tawh chu mi 1,81,696 an ni a, nimin khan hri kai zingah mi 2408 te enkawl dam niin hri kai enkawl dam tawh zawng zawng chu 1,67,853 a ni a, hri kai hmuh tawh atanga za zela 92.28 te chu enkawl dam an ni tawh a, hri kai enkawllai 13,225 la awmin hri kai zingah mi 618 an boral tawh bawk a ni.