END ten Rakzu man tam

Serchhip-a Excise and Narcotics Department chuan niminpiah khan Thenzawl-ah Rakzu tam tham tak man lehin a neitu nia hriat pawh thubuai siam sak nghal a ni.

Excise & Narcotics Department hotute hnen atanga thu kan dawn danin heng Zu te hi Thenzawl leh Buarpui inkar Tlawng kam-a siam leh Phunchawng lam atanga lak niin Thenzawl-a zawrh tur bakah khual khua ah a hlawm hralh tura tih a ni a, a vaiin litre 370 niin Polythene-ah litre 10 te te-a dah hran a ni a, a neitu nia hriat Lalsangpuia Tlau (37), Then-zawl Bazar Veng nia insawi pawh man nghal niin thubuai siam sak a ni a, nimin khan Serchhip District Court-ah hruai hman tura beisei a ni.

Excise & Narcotics Department hotute chuan heng an zu man te hi tualchhung-a hralhna rate-a chhut chuan Rs. 59,200/- man vel a nih thu an sawi a, Polythene lian-a fun pakhat zel hi Rs. 1600/- a hralh thin a nih thu an sawi a ni.