Mualkhang-a Gas Bottling Plant tihlen a ni dawn

Mizoram Sawrkar hmalakna in Mualkhang Gas Bottling Plant (IOCL LPG Bottling Plant) chu siam that a ni dawn a, a hma aia lian zawka siam a ni ang.

He thu hi Chief Minister Zoramthanga chuan nimin khan Instagram lamah a tarlang a, Mualkhang Gas Bottling Plant (IOCL LPG Bottling Plant) siamthatna atan hian Mizoram Sawrkar in ram pawh a pe fel tawh a, reilote ah hmalak thuai beisei a ni tih a tarlang a ni. Mualkhang a IOCL LPG Bottling Plant thar thawh lehna tur hian Hectares hnih (2)-a zau chu tuna Bottling Plant ram hrulah hian cheng nuai 47 man lei belh a ni a, Plant hmasaah khan nitin Cylinder 2500 (Truck phur 8) siam thin niin tuna siam thar leh siam len turah hian nitin Gas Cylinder 7000 (Truck phur 24) siam chhuah theih beisei a ni.

Mizoram mipui nitin mamawh Gas hnianghnar zawka kan hmuh theihna tur leh Gas Bottling Plant thar siam belh tum tihhlawhtlinna tura hma latute Supply Department changtu Minister K. Lalrinliana leh Revenue changtu Minister Lalruatkima te fakawm a tih thu Chief Minister chuan tarlangin, Mizoram mipui nitin mamawh (Essential goods) hnianghnar taka lakluh leh tihpun kawngah Mizoram Sawrkar chuan theihtawp a chhuah zel dawn tih a tarlang bawk.