Thlai chingtu ten man man zawka thlai hralh an duh

Serchhip Mat Phai-a Nul siam-a Thlasik thlai chingtute chuan an thlai tharte man man zawk a hralh an duhthu an sawi.

Serchhip Mat Phai-a Thlasik thlai chingtute hian an thar vanglai an thleng chho tan dawn mek a, tunah hian Antam leh Bawkbawn te chuan a vanglai thleng mekin Zikhlum erawh an la thar tam vak lova, tunhnaiah an thlai hmun tlawhtu Thuthar thehdarhtute hnenah an thlai tharchhuahte an hralhna rate chu a hniam an tih thu leh man man zawk a hralh ve theih an duhthu hi sawiin, an hnathawh leh an thlai hralhna a chu inman loh thu an sawi bawk.

Tun dinhmunah Serchhip Mat phai-a Antam hi Tel khat Rs. 8 leh Bawkbawn hi Kg khat zelah Rs. 8 in chawhmeh kharchhawng ten a hmunah an lak sak thin nia thudawn a ni a, khar-chhawngte hian Serchhip khawpui leh a chhehvel ah tlem an pek darh bak chu Aizawl lamah an phur thin nia hriat a ni bawk.