Khauh taka Ui khuahkhirh tum
He sawihona Serchhip DC Meeting Hall-a neih hi Bawrhsap Paul L. Khuma chuan kaihruaiin Serchhip District Bawrhsap hian August 11, 2026 khan Ui khuahkhirh tura hriattirna chu a lo tichhuak tawh a, hetih mek lai hian Ui khuahkhirh lova chhuak an la awm fo bakah midang tan harsatna an thlen tih hriat a ni a; hei vang hian khawng lehzuala hmalak tum niin Magistrate, Police leh vantlang hruaitute Team hrang hrangah insiamin, Veng hrang hrangah endikna (Inspection) neih a ni tawh dawn a ni.
Ruahmanna siam a nih dan chuan Ui chhuak hmuh a nih chuan man a nih mai bakah a neitute lakah District Magistrate-in Criminal Complaint a siam thin dawn a. Hetianga khawlai Ui khuahkhirh lova chhuah hi BNSS Sec. 163 hmanga khap a nih angin BNS Sec. 223 hmangin Ui neitute chu Kum 1 thleng lung In tan tir emaw, Rs. 5000 thleng chawi tir emaw, a pahnih emaw hmang pawha hrem theih an ni ang.