Hri kai sang kua aiin tam ta

Serchhip District-a COVID-19 hri kai hmuh tawh chu mi sang kua aiin an tam tawh a, hri kai zingah enkawl dam pawh an pung ve zel.

Nimin Pathianni khan Serchhip District-ah COVID-19 hri kai mi 12 hmuh belh leh an ni a, heng hri kai hmuhchhuah te hi Serchhip Town chhung a mi te vek niin an zinga pakhat hi Chhiahtlang a hri kai hmuh a ni.

Inrinni khan Serchhip District-a True-Nat Laboratory-ah Sample 16 enfiah niin hri kai mi mi 4 hmuh an ni a, Serchhip AOC Veng-ah mi pahnih leh Chanmari leh P&E Veng-ah mi pakhat ve ve an ni a. Fluorescent Immunoassay Test hmangin Sample 158 enfiah niin hri kai mi 37 hmuh niin an vaiin Thenzawl khua vek an ni a, an zinga mi 10 te chu Hostel-a awm an ni. Rapid Antigen Test hmangin Sample 104 enfiah niin hri kai 43 hmuh an ni a, an zinga 17 te chu Thenzawl khua niin Serchhip-ah 10, Neihloh-ah 5, Buangpui-ah 4, Chhiahtlang leh East Lung-dar-ah mi 2 ve ve leh Keitum-ah hri kai mi pakhat hmuh an ni a, Myanmar raltlan te atangin hri kai mi pahnih hmuh an ni bawk.

Serchhip District-a hri kai te zingah In-rinni khan mi 162 zet enkawl dam niin nimin ah erawh hri kai enkawl dam chhinchhiah belh an awm lo thung a. Heti hian nizan thleng khan Serchhip District-a hri kai hmuhchhuah tawh chu 9311 niin an zinga 8551 te chu enkawl dam an ni tawh a, hri kai hmuhchhuah atanga za zela 91.83 te chu enkawl dam ni tawhin hri kai en-kawllai 735 an la awm a, hri kai zingah mi 25 an boral tawh bawk a ni.