Dan lova Myanmar atanga rawn lut tihtawp tum a ni

Mizoram Chief Minister Zoramthanga chuan Kuhva chauh nilo, Dan lova Myanmar atanga rawn lut thildang pawh tihtawp an tum tih a sawi.

Nimin khan chanchinbu mite hnenaah he thu hi sawiin Chief Minister Zoramthanga chuan, Kuhva lo lut chu regularised turin Govt. of India-ah Border Trade-in hma an lak thu leh thil a kal fel vek dawn emaw tih hnuah COVID-19 hripui avanga buaina a awm bakah Myanmar-ah Sipai sawrkar alo din tak bawk avangin ramri-a insumdawn-tawnna pangngai taka kalpui an tum chu a theih rihloh niin a sawi a. Theihtawpin sawrkar in hma la mahse putru a tam tih sawiin, Tiau lui chu Thal ah a kám thin avangin duh duhin an kan thei tih a sawi a, inven sen a harsa tih a sawi bawk. Chief Minister chuan kuhva chu dan lo a nih bakah Truck lian-a phurh thin anih avangin kawng a tichhe nasa hle tih a sawi a, sawrkar chuan theihtawpin tihtawp an tum tih a sawi bawk.