Hri kai thar 2022 leh enkawl dam 2024 awm belh

Thawhtanni khan Mizoram-ah Sample 7916 enfiah niin heng atang hian COVID-19 hri kai mi 2022 hmuhchhuah leh an ni a, Sample enfiah atanga za zela 25.54 laiin hri an kai leh a ni.

Thawhtanni khan ZMC-a RT-PCR Laboratory-ah Sample 987 enfiah niin heng atang hian hri kai mi 266 hmuh an ni a, Lunglei-a RT-PCR Laboratory-ah Sample 246 enfiah niin hri kai mi 117 hmuh an ni bawk a, Fluorescent Immunoassay Test hmangin Aizawl leh Serchhip District-ah Sample 147 enfiah atangin hri kai mi 49 hmuh an ni a, an zinga 19 te hi Aizawl a mi te niin a dang 30 hi Serchhip District-a Thenzawl khua an ni.

District hrang hranga TrueNat Laboratory-ah Sample 348 enfiah niin hri kai mi 114 hmuh an ni bawk a, an zinga 44 te hi Mamit District niin Champhai District-ah 18, Lawngtlai District-ah 13, Kolasib District-ah 12, Aizawl District-ah 9, Hnahthial District-ah 6, Siaha District-ah 5, Serchhip District-ah 4 leh Khawzawl District-ah mi 3 te an ni.

Rapid Antigen Test hmangin niminpiah khan Sample 6188 enfiah ni leh bawkin heng atang hian hri kai mi 1476 hmuhchhuah an ni bawk a, Aizawl District-ah 425, Mamit District-ah 173, Lunglei District-ah 157, Saitual District-ah 149, Champhai District-ah 129, Serchhip District-ah 108, Khawzawl District-ah 103, Kolasib District-ah 85, Lawngtlai District-ah 69, Siaha District-ah 45 leh Hnahthial District-ah 33 te an ni.

Heti hian Mizoram-a hri kai hmuhchhuah chu 1,99,019 niin nimin a hri kai enkawl dam mi 2024 nen hri kai mi 1,88,528 enkawl dam an ni tawh a, hei hi hri kai hmuhchhuah atanga chhutin za zela 94.73 niin hri kai enkawllai 9854 an la awm a, hri kai zingah mi 637 an boral tawh bawk a ni.