Mizoram-ah Hri kai hmuhchhuah an la pung zel

Mizoram-ah COVID-19 hri kai hmuhchhuah zat ala tlahniam thei meuh lova, niminpiah khan Mizoram-ah Sample 7365 enfiah niin hri kai mi 2145 hmuhchhuah an ni a, Sample enfiah atanga za zela 29.12 te chuan hri an kai a ni.

Niminpiah khan ZMC-a RT-PCR Laboratory-ah Sample 1628 enfiah niin heng atang hian hri kai 484 hmuh an ni a, Lunglei RT-PCR Laboratory-ah Sample 119 enfiah niin hri kai mi 23 hmuhchhuah an ni bawk. Fluorescent Immunoassay Test hmangin Aizawl-ah Sample 58 enfiah niin hri kai mi 21 hmuhchhuah an ni a, Serchhip District-ah Sample 17 enfiah ni bawkin hri kai mi 8 hmuh an ni bawk.

District hrang hranga TrueNat Laboratory-ah niminpiah khan Sample 254 enfiah niin heng atang hian hri kai mi 79 hmuh an ni bawk a, an zinga 36 te chu Mamit District atanga hri kai hmuh te niin Kolasib District-ah 20, Champhai leh Serchhip District-ah 8 ve ve, Aizawl leh Hnah-thial District-ah mi 3 ve ve leh Lunglei District-ah hri kai mi pakhat hmuh an ni bawk.

Niminpiah khan Rapid Antigen Test hmangin Mizoram-ah Sample 5289 enfiah niin hri kai mi 1530 hmuhchhuah an ni bawk a, an zinga 936 te hi Aizawl District-a hri kai hmuhchhuah te niin Lunglei District-ah hri kai mi 159 hmuh an ni bawk a, Serchhip District-ah hri kai mi 82 hmuh niin Kolasib District-ah 68, Champhai District-ah 63, Khawzawl District-ah 46, Saitual District-ah 28, Hnahthial District-ah 18, Lawngtlai District-ah 15 leh Siaha District-ah hri kai mi 7 hmuh an ni.

Heti hian nimin thlenga Mizoram-a hri kai hmuhchhuah tawh chu 1,79,740 niin nimin khan mi 1887 enkawl dam belh leh an ni a, nimin tlai thlenga hri kai enkawl dam tawh chu 1,65,447 niin hri kai hmuh tawh atanga za zela 92.04 te chu enkawl dam an ni tawh a, hri kai enkawllai 13,676 la awmin hri kai zingah mi 617 an boral tawh bawk a ni.