Pathianni-ah hri kai 519 hmuh belh an ni

Pathianni khan Mizoram-ah COVID-19 hri kai 519 hmuh belh leh an ni a, hei hi Sample enfiah zawng zawng  1914 atanga chhut chuan za zela 27.12 a ni.

Pathianni khan ZMC leh Lunglei-a RT-PCR Laboratory-ah Sample enfiah awm lovin Fluorescent Immunoassay Test hmangin Sample enfiah a awm lo bawk a, District hrang hranga TrueNat Laboratory zingah Lunglei, Siaha leh Kolasib-ah te Sample 46 enfiah niin heng atang hian hri kai mi 14 hmuh an ni a, an zinga 8 te hi Siaha District-a hri kai hmuh niin midang 6 hi Kolasib District-a hri kai hmuh te an ni thung.

Rapid Antigen Test hmangin Lawngtlai leh Khawzawl tihloh District dangah Sample 1868 enfiah niin hri kai mi 505 hmuh an ni bawk a, an zinga 156 te hi Aizawl District-a hri kai hmuhchhuah niin Mamit District-ah 95, Serchhip District-ah 80, Saitual District-ah 51, Champhai District-ah 45, Siaha District-ah 34, Lunglei District-ah 18 Kolasib District-ah 17 leh Hnahthial District-ah hri kai mi 9 hmuhchhuah an ni bawk.

Heti hian nimin thleng khan Mizoram-ah COVID-19 hri kai an hmuhchhuah tawh zawng zawng chu 2,06,319 an tling tawh a, nimin khan hri kai mi 1963 te enkawl dam ni lehin heng te nen hian hri kai enkawl dam tawh zawng zawng chu 1,97,720 an tling tawh a, hei hi hri kai hmuh tawh atanga chhutin za zela 95.83 niin hri kai enkawllai 7954 an la awm a, hri kai zingah mi 645 an boral tawh bawk a ni. Tun dinhmunah hri kai enkawllai tamna ber Aizawl District-ah 2815 enkawl niin enkawllai tlemna ber Hnahthial District-ah 196 enkawl mek an la ni.

Comments

Popular posts from this blog

Tukverh-a tlasual boral