END ten nikum chhungin Zu leh ruihhlo man tam

Serchhip-a Excise & Narcotics Department chuan nikum chhung khan Zu leh a kaihhnawih thahnem tak bakah damdawi, Heroin No. 4 pawh tam tham tak manin sawrkar-ah Chhiah engemaw zat an chhunglut bawk.

Serchhip-a Excise & Narcotics Department te hian nikum (2021) chhung khan rakzu litre 2650.65 zet manin hei hi Rs. 6,62,662/- man ni chhut a ni a, Zu bilhlai Tin 2691 zet manin dawidim kg. 6.361 an man a, Sapzu Um 37 manin Apple wine litre 1425 an man bawk. Heng bakah hian Zu siamna bel 172 manin lirthei 6 an man a, heng te hi LMV 3, Two Wheeler 2 leh Three Wheeler pakhat te an ni a. MLP Act, 2019 hnuaiah thubuai 280 ziahluh niin mi 263 man an ni bawk.

Nikum chhung vek khan Heroin No. 4 pawh Serchhip-a Excise & Narcotics Department hian gram 299.167 manin hei hi Rs. 9,43,512.5 man vel nia chhut a ni a, Ganja Kg. 6.361 manin ND&PS Act, 1985 hnuaiah thubuai 34 ziahluh a ni a, mi 40 man an ni bawk.

Nikum chhung khan Serchhip-a END hian Foreign Liquor & Spirit hnuaiah Chhiah Rs. 11,58,317/- hmuin Fine & Confiscation hnuaiah Rs. 1,43,000/- an hmu bawk a ni.