Serchhip District Headquarters Land Committee thutkhawm hmasa ber neih a ni

Serchhip District Headquarters Land Committee chu nimin khan a vawi khatna atan an thukhawm a, he hunah hian Serchhip District-a In hmun leh ram dilna lut hrang hrangte chu ngaihtuah a ni.

He thutkhawm Serchhip DC Meeting Hall-a neih hi an Chairman leh District Bawrhsap Nazuk Kumar IAS chuan kaihruaiin Serchhip District-a Settlement Officer leh Member Secretary Lalzikpuii chuan kalkhawmte hnenah Land Committee din anih dan te sawifiahin, Land Committee kalphung tur leh hmalakna tur hrang hrang te a sawifiah a, hmei hnu hian Serchhip khawchhung VC Area hrang hrang atanga House Pass dilna, Land Lease dilna bakah Periodic Pata dilna bakah Renew dilna te ngaihtuah chhunzawm nghal a ni a. Serchhip District Headquarters Land Committee thukhawm hian Periodic Pata Renew dilna lut 35 atangin 15 chu pawmin House pass dilna 46 pawm a ni bawk a, Periodic Pata dilna 2 bakah Land Lease dilna 4 te pawh pawm a ni bawk.

Land Committte hi In hmun dilna leh Pass renew dilna lo thlifimtu tur an ni a, amaherawh chu Section 17(A) of the Mizoram (Land Revenue) Act, 2013 anga ram teh anih chuan Land Committee-hian a lo thlitfim kher a ngai lo thung a. The Mizoram (Land Revenue) Act & Rules, 2013-in a sawi angin ram diltu chuan dilna Form hi a awmna District Settlement Officer (SO) emaw, Assistant Settlement Officer (ASO) hnenah a thehlut anga. Revenue Department in a ram diltu, a ram awmna VC leh a ram thenawmte hmuh lai ngeia ram hi tehfel a nih hnuah SO/ASO hian ram dilna hi Land Committee Chairman hnenah lo thlitfim turin a chhawpchhuak thin dawn a ni.

Land Committee chuan ram dilna leh diltu te a enfela, a thlitfim zawhah SO hnenah a rawtna a thehlut leh anga, SO hian Director, Land Revenue & Settlement kaltlangin Sawrkar-ah a thehlut leh dawn a ni. Land Committee chuan ram diltu chu dan anga ram dil thei a nih leh nih loh a enfiah ang a, ram dil thei a nih loh chuan a dilna chu hnawl nghal tur a ni. The Mizoram (Land Revenue) Act & Rules, 2013-in a sawi angin Serchhip District Headquarters Land Committee hi nikum October ni 21 khan din a ni a, he Committee hian a hmaa hetiang kaihhnawiha thuneitu Site Allotment Advisory Board (SAAB) kha a thlak a ni.

Nimin-a Serchhip District Headquarters Land Committee thutkhawm vawi khatana ah hian Addl. DC Lalmuansanga Ralte bakah Village Council aiawh te, YMA, MUP bakah Political Part tin aiawh an tel a ni.

Comments

Popular posts from this blog

Tukverh-a tlasual boral