Latest News

Mizoram Lokayukta Annual Report thehlut

Mizoram Lokayukta Chairperson C. Lalsawta chuan 'Second Annual Report of the Mizoram Lokayukta’ chu nimin khan Mizoram Governor Hari Babu Kambhampati hnenah a thehlut.

Mizoram Lokayukta Act, 2014 chhunga Section 47 in a phut anga buatsaiha 'Second Annual Report of the Mizoram Lokayukta' hian 1st April 2020 leh 31st March, 2021 inkar a huam a, hun remchang hmasa berah he Report hi Mizoram Legislative Assembly-ah pharh a ni dawn a ni. Report a thehluhna ah hian Mizoram Lokayukta Chairperson C. Lalsawta chuan Governor hnenah hian Mizoram Lokayukta dinhmun leh hmalakna tlangpui a tarlang a. Tunah hian Mizoram Lokayukta-ah hnathawktu tlem te chiah an la awm thu leh thawktu lakbelh thuai mamawh a nih thu te a sawi a. Chak zawka hnathawk thei turin Enquiry/Investigation Wing leh Prosecution Wing te din thuai a tul tih a sawi bawk a ni.

Mizoram Lokayukta chinfel turin Dt. 15.02.2022 thleng khan Case 39 ziahluh a ni tawh a, heng zinga Case 3 chu Preliminary Enquiry (PE) neih hmaa chinfel a ni a, a dang ziahluh Case 36 zinga Case 20 atan PE thehluh a ni tawh a, Case 16 atan PE thehluh a la ni lo a ni. Tunah hian Case 11 chinfel a ni tawh a, Case 10 atan Preliminary Hearing (PH) kohna pekchhuah a ni tawh a. PH neih zawh hnuah case 2 chu hnawl a ni a; case 7 chu chiang zawka chhui tura tih a ni.

Comments

Popular News (Last 30 Days)