Hri kai 140 hmuh belh leh

By -

Nimin khan Serchhip District-ah COVID-19 hri kai mi 140 zet hmuh belh leh an ni.

Nimin a Serchhip District-a hri kai hmuhchhuah zingah hian Serchhip-a hri kai hmuhchhuah mi 42 zet awm lehin P&E Veng-ah 9, Vengchung-ah 7, IOC Veng-ah 6, Chanmari Veng leh New Ser-chhip South-ah mi 3 ve ve, AOC Veng, Chhim Veng, Tuikhuah Veng, Venglai leh New Serchhip North-ah mi 2 theuh leh Hmar Veng, Ramtlun Veng leh Zozam Veng-ah hri kai mi pakhat theuh hmuh an ni a, BSF sipai zingah hri kai mi pakhat hmuh a ni bawk.

Heng bakah hian Thenzawl-ah hri kai mi 35 hmuh belh niin Kanghmun-ah 22, Khaw-lailung-ah 14, Chhiahtlang leh Chhingchhip-ah mi 12 ve ve leh Khawbel, Piler leh Thinglian-ah hri kai mi pakhat theuh hmuh an ni bawk.

Nimin khan Serchhip District-ah hri kai enkawl dam mi 121 awm belh lehin heti hian nimin thlenga hri kai hmuhchhuah tawh chu 11,251 an ni a, an zinga 10,125 te chu enkawl dam ni tawhin hri kai hmuhchhuah atanga za zela 89.99 te chu enkawl dam an ni tawh a, hri kai enkawllai 1099 la awmin hri kai zingah mi 27 an boral tawh bawk a ni.

Comments

Post a Comment

Popular posts from this blog

Tualthattu nia rinhlelh man

By -
Image
Nimin zinga Serchhip Bukpui leh Chhiahtlang Chhim Veng inkara Lalsangzuala (31), Mission Vengthlang thihna kaihhnawih a mawhphurtu nia rinhlelh Laldinthara (42), Khawruhlian nia inchhal chu Vawiin khan Police ten Aizawl-ah an man a. Thudawn danin Laldinthara hian nimin zing khan Aizawl pan tur Maxi Cab chu Chhiahtlang leh Lamchhip inkar ramhnuai ah lo pharin Aizawl a pan a, a khawsak zia ah rinhlelh a nih avangin Serchhip Police Special Investigation Team te chuan Serchhip Police Station OC Inspr. VL. Ramhluna hovin man tumin Vawiin khan Aizawl an pan ve nghal a, Aizawl Police te nen tangtlangin an man ta nia thudawn a ni a, Police te hmaah a inpuang tawh nia thudawn a ni bawk. Amah hi tunhnaiah pawh Serchhip-ah thubuai tenau a man nia thudawn niin amaherawh chu thubuai siam zui lovin chhuah leh a ni nia thudawn a ni bawk.
Kimchang zawkin »