Tuipui lui-a service tur Mar Boat vailiam

Commerce & Industry Minister Dr. R. Lalthangliana chuan Chili (Tuipui)-a service tur Mar Boat chu nimin khan mipuite hman theih turin a vailiam.

He Mar boat hi South Tuipui bialtu MLA ni bawk Dr. R. Lalthangliana hian nikum khan MLA Fund atangin cheng nuai 15 sengin Tuipui 'D' a Lawng tuk thiam R. Lalbela chu a tuktir a, tunhnai khan zofelin ft. 40-a sei a ni a, a Engine pawh Burma lam atanga chah thlen niin Pick-up full load pawh phur thei turin thir tha chi hmanga tuk a ni a, Dr. R. Lalthangliana hi a motor nen Lawng hian phurin ral lehlam Mual-lianpui ram chu a chuangkai nghal a ni.

Hemi puala hun hman ah Dr. R. Lalthangliana chuan helaia Lui lian tak maiin bial chhung khaw hrang hrang a daidan thu sawiin, “Lei dawh hi a hautak a, Central-ah cheng vaibelchhe tel ka nawr mek tho a, mahse, a kal muan deuh avangin Lawng hmangin inkalpawhna hi siam tha tihna ka nei ta a, Lawng kai theihna tura ram petute chungah pawh lawmthu ka sawi a ni,” a ti bawk.


Health Department changtu Minister ni bawk Dr. R. Lalthang-liana hian nimin khan NABARD RIDF XXIV sum cheng nuai 140.21 hmanga sak Khawlailung PHC chu tlawh nghal bawkin thawktu ten an mamawh hrang hrang an lo thlen bawk a ni.

Comments

Popular posts from this blog

Tukverh-a tlasual boral