Khapna thupek tichhuak

Zonuna Kawlni /

Serchhip District Bawrhsap chuan kangmei laka mipuite an him theihna turin thupek a tichhuak.

Hemi chungchanga nimin a thupek a siamah Serchhip District Magistrate Nazuk Kumar IAS chuan The Mizoram (Prevention and Control of Fire in the Village Ram) Rules, 2001 leh District Level Committee on Fire Prevention thu-khawm thuchhuak angin Section 144 Cr.PC in thuneihna a pek angin mi tumahin meilam tha tawk sial hmasa lo chuan Lo/huan leh leipui an hal tur a ni lo tih a tarlang a. Hei bakah hian mi tumah in mihring nunna leh bungrua/ro atana hlauhawm turin kangmei tihchhuah loh tur a nih thu te, eirawngbawlna leh ran chaw chhumna leh intihlumna atana hman thuk chi hrang hrangte kangmei duhawm lo tichhuak thei zawnga chelek tur a nih loh thu te, ramhnuaiah mei chhem ti mit lova kalsan loh tur a nih thu bakah Lo/huan/leipui/Cha chheh hal tur nei te chuan March 15, 2022 aia tlai lovah hal vek tur a nih thu te a tarlang a, thupek bawhchhia te chu Section 188 IPC hmanga hrem theih an ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »