Mizoram-ah hri kai hmuhchhuah thar tlahniam zel

Niminpiah khan Mizoram-a COVID-19 hri kai hmuhchhuah chu a hma ni aia tlahniam hretin hri kai mi 1571 hmuh an ni a, hei hi Sample enfiah zawng zawng 6082 atanga chhut chuan za zela 25.83 lai a la ni thung a ni.

Niminpiah khan ZMC-a RT-PCR Laboratory-ah Sample 1015 enfiah niin heng atang hian hri kai mi 231 hmuh an ni a, Lunglei a RT-PCR Laboratory-ah Sample 186 enfiah niin hri kai mi 41 hmuh an ni bawk a, Fluorescent Immunoassay Test hmangin Aizawl District-ah Sample 55 enfiahin hri kai mi 13 hmuh an ni a, Serchhip District-ah Sample 81 enfiahin hri kai mi 21 hmuh an ni bawk.

District hrang hranga TrueNat Laboratory-ah Sample 225 enfiah niin hri kai mi 90 hmuh an ni leh bawk a, an zinga 55 chu Mamit District a hmuhchhuah niin Lawngtlai District-ah 9, Serchhip District-ah 8, Champhai District-ah 7, Lunglei leh Siaha District-ah 3 ve ve, Khawzawl leh Hnahthial District-ah mi 2 ve ve leh Aizawl District-ah hri kai mi pakhat hmuh an ni bawk.

Rapid Antigen Test hmangin niminpiah khan Sample 4520 enfiah ni leh bawkin hri kai mi 1175 hmuh an ni a, an zinga 337 te chu Aizawl District-a hri kai hmuhchhuah niin Khawzawl District-ah 198, Champhai District-ah 147, Lunglei District-ah 133, Serchhip District-ah 92, Mamit District-ah 89, Saitual District-ah 74, Lawngtlai District-ah 38, Siaha District-ah 34 leh Hnahthial District-ah 33 hmuh an ni.

Nimin khan Mizoram-ah hri kai enkawl dam mi 1871 awm belh lehin Mizoram-a hri kai hmuhchhuah chu 2,02,206 niin an zinga 1,92,093 te chu enkawl dam an ni tawh a, hei hi hri kai hmuh atanga zaa 95 niin hri kai enkawllai 9473 an la awm a, hri kai zingah mi 640 an boral tawh bawk a ni.

Comments

Popular posts from this blog

Tukverh-a tlasual boral