A hun tak zelah sawrkar hnathawk hlawh pek duh

Chief Minister Zoramthanga chuan Mizoram Sawrkar hnathawk hlawh chu a theih chinah a hun taka pek zel an duh thu a sawi.

Nimin a thuthar thehdarhtute zawhna a chhanna ah Chief Minister chuan tun hmaa awm ngailo hrileng vangin sum dinhmun a harsa tih a sawi a, sum hi Central atangin a ruala a lokal thin loh avangin sawrkar hnathawk Group A leh Group B te an pe tlai thin niin a sawi a. Sawrkar laipui atanga pawisa lokal tlem zawk Post-Devolution Grant chu thla tir deuhah a lokal thin a, a hnung deuhah Share of Taxes a lokal leh thin tih sawiin, a ruala a lokal thin loh avangin vawi khatah sawrkar hnathawk hlawh zawng zawng pek a harsa tih a sawi a. Covid hri leng avangin sawrkar sum hmuh tur zat cheng vbc. 2,800 an hloh tih a sawi bawk.