DFO in kangmei laka fimkhur turin mipui a ngen

Thenzawl Divisional Forest Officer (DFO) leh Serchhip District Fire Prevention Committee-a Member Secretary Lalbiakchama Chawngthu chuan nikum lamah kangmei nasa tak kan tuar tih sawiin, “Kumin ah chuan mipuite kan fimkhur phawt chuan ramkang leh kangmei lakah kan him thei ngei ang,” a ti.

Kangmei laka himna tura Fire Prevention Week hman chungchang ah Thenzawl DFO chuan Serchhip District Fire Prevention Committee in a lo rel tawh angin Serchhip District chhung khaw hrang hrangah EF&CC Department kaihhruaina in Fire Prevention Awareness Campaign neih mek zel a ni tih a sawi a, Mobile Mike Service (Tlang Au) te pawh neiin khaw hrang hrangah an tlankual thu a sawi bawk.

Thenzawl DFO chuan kangmei chhuah hun kan thleng leh mek tih sawiin, Lo leh huan te pawh a hal hun kan thlen leh mek thu a sawi a, Lo hal hun leh mei kawng sial chungchanga Serchhip DC leh District Magistrate in thuchhuah a siam te ngaipawimawh a Lo leh Huan hal turten zau taka meikawng sial theuh turin a ngen a, kangmei leh ramkang thlen lo turin meizial nung lai paih lo turte, ram hal mai mai lo tur leh mei kan chhem a nih pawhin ti mit lova kalsan miah lo turin mipuite chu an ngen tih sawiin, “Nikum lamah kangmei nasa tak kan tuar a, kumin ah chuan mipuite kan fimkhur phawt chuan ramkang leh kangmei lakah kan him thei ngei ang,” a ti a ni.

Comments

Popular posts from this blog

Tukverh-a tlasual boral