House-ah lawmthu sawina Motion pass a ni

/

Assembly House-a Governor thusawi chungchanga lawmthu sawina Motion Tuirial bialtu MLA K. Laldawngliana'n niminpiah a Assembly House-a a putluh chu nimin khan sawiho a nih hnuah pawm a ni.

Nimin-a Session chhunzawm ah hian ZPM leh Congress MLA ten Speaker Lalrinliana Sailo kaihhruaina hnuaia rorel an duh loh avanga House an chhuahsan avangin eptu member zingah BJP MLA neihchhun Dr. BD. Chakma tih loh eptu MLA dang zawng chu rorel inkhawmah an tel lo a, heti chung hian rorelna chu dan pangngai anga chhunzawm a ni a, Larsap thusawi chungchanga lawmthu sawina motion sawihonaah pawh hian member thahnem takin thu an sawi a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »