COVID-19 hri kai hmuhchhuah pung ve leh hret

Mizoram-ah COVID-19 hri kai hmuhchhuah pung leh hret mah se hri kai enkawllai erawh mi sing khat aiin an la tlem.

Inrinni khan Mizoram-ah Sample 5193 enfiah leh niin heng atang hian hri kai mi 1324 hmuh leh an ni a, hei hi Sample enfiah atanga chhut chuan zaa 25.53 a ni. ZMC-a RT-PCR Laboratory-ah Sample 737 enfiah niin heng atang hian hri kai mi mi 193 hmuh an ni a, Lunglei-a RT-PCR Laboratory-ah Sample 92 enfiah niin hri kai mi 13 hmuh an ni a, Fluorescent Immunoassay Test hmangin Aizawl-ah Sample 45 enfiahin hri kai 4 hmuh an ni a, Serchhip District-ah Sample 53 enfiahin hri kai mi 13 hmuh an ni a. District hrang hranga TrueNat Laboratory-ah Sample 246 en niin hri kai mi 70 hmuh an ni a, Rapid Antigen Test hmanga Sample 4020 enfiah atangin hri kai mi 1031 hmuh an ni bawk.

Zirtawpni khan Mizoram-ah Sample 5229 enfiah niin heng atang hian COVID-19 hri kai mi 1151 hmuh an ni a, Sample enfiah atanga chhutin za zela 22.01 te chuan hri an kai a ni. ZMC-a RT-PCR Laboratory-ah Sample 390 enfiah niin hri kai mi 104 hmuh an ni a, Lunglei-a RT-PCR Laboratory-ah Sample 88 enfiah niin hri kai mi 18 hmuh an ni a. Fluorescent Immunoassay Test hmangin Aizawl-ah Sample 43 enfiahin hri kai mi 1 hmuh niin Serchhip District-a Sample enfiah 54 atangin hri kai mi 9 hmuh an ni bawk a. District hrang hranga TrueNat Laboratory-ah Sample 218 enfiahin hri kai mi 105 hmuh an nih bakah Rapid Antigen Test hmanga Sample enfiah 4436 atangin hri kai mi 914 hmuh an ni bawk.

Inrinni khan Mizoram-ah hri kai mi 1173 enkawl dam niin nimin khan mi 668 te enkawl dam an ni leh a, Mizoram-a hri kai hmuh tawh zawng zawng chu 2,05,800 niin an zinga 1,95,757 te chu enkawl dam ni tawhin hei hi hri kai atangin zaa 95.12 a ni a, hri kai enkawllai 9400 la awmin mi 643 an boral tawh bawk a ni.