Serchhip District-a hri kai hmuh sing khat aiin tam ta

Serchhip District-ah nimin khan COVID-19 hri kai mi 133 hmuhchhuah leh an ni a, heti hian Serchhip District-a hri kai hmuh tawh chu mi sing khat aiin an tam ta a ni.

Nimin a Serchhip District-a COVID-19 hri kai hmuhchhuah zinga a zatve dawn, mi 66 chu Serchhip khawpui chhung ami niin New Serchhip North leh Hmar Veng-ah hri kai mi mi 11 ve ve hmuh niin, Chanmari Veng-ah 8, New Serchhip South-ah 7, AOC Veng, P&E Veng leh Vengchung-ah mi 6 theuh, Dinthar Veng-ah mi 3, Bazar Veng leh Bazar Hnuai-ah mi pahnih ve ve leh Chhim Veng, Darnam Veng, Saron Veng leh Leisang Veng-ah hri kai mi pakhat theuh hmuh belh an ni bawk.

Heng bakah hian Thenzawl-ah hri kai mi 21 hmuh an ni bawk a, Chhingchhip-ah hri kai mi 15 hmuh niin Khawlailung-ah 14, Chhiahtlang-ah mi 6, Lungpho-ah 5, Piler-ah 4 leh Ngentiang-ah hri kai mi pahnih hmuh an ni bawk.

Heti hian Serchhip District-a hri kai hmuh tawh chu mi sing khat aia tamin 10,077 an ni ta a, nimin khan hri kai enkawl dam mi 166 awm ve lehin hri kai hmuhchhuah zinga 9269 te chu enkawl dam an ni tawh a, hei kai hmuh atanga za zela 91.98 te chu enkawl dam an ni tawh a, hri kai enkawllai 782 la awmin hri kai zingah mi 26 an boral tawh bawk a ni.