Hri kai 138 hmuh belh leh

Nimin khan Serchhip District-ah COVID-19 hri kai mi 138 zet hmuhchhuah belh leh an ni a, hri kai enkawllai pawh mi 800 chuang an awm leh tawh.

Nimin a Serchhip District-a hri kai hmuh te zinga 46 hi Serchhip khawchhung a mi te niin Vengchung-ah 13, New Serchhip Veng-lai-ah 10, P&E Veng-ah 6, Dinthar-ah 5, AOC Veng, Tuikhuah Veng leh Chanmari Veng-ah 2 ve ve leh Darnam Veng, Field Road, Kikawn, Leisang Veng, New Serchhip Bazar Veng leh New Serchhip Sihphir Veng-ah hri kai mi pakhat theuh hmuh an ni.

Heng bakah hian Thenzawl-ah 31, North Vanlaiphai-ah 26, Chhingchhip leh Khawlailung ah 12 ve ve, Chhiahtlang leh Bawktlang-ah mi 4 ve ve leh East Lungdar, Thentlang leh Lungchhuan-ah hri kai mi pkhat theuh hmuh an ni bawk.

Nimin lama hri kai hmuhchhuah kan rawn tarlan tawh bakah niminpiah khan Thenzawl-ah hri kai mi 9 hmuhchhuah an awm belh bawk a ni.

Nimin khan Serchhip District-ah hri kai enkawl dam mi 79 an awm belh ve leh bawk a, heti hian nizan thlenga Serchhip District-a hri kai hmuhchhuah tawh chu 10,223 niin an zinga 9348 te chu enkawl dam an ni tawh a, hri kai hmuh tawh atanga za zela 91.44 te chu enkawl dam ni tawhin enkawllai erawh 849 an la awm thung a, hri kai zingah mi 26 an boral tawh bawk a ni.