Hri kai thar 1657 leh dam 1674 awm belh

Niminpiah khan Mizoram-ah COVID-19 hri kai mi 1675 hmuh belh leh an ni a, hei hi Sample enfiah zawng zawng 7352 atanga chhut chuan za zela 22.78 a ni.

Niminpiah khan ZMC-a RT-PCR Laboratory-ah Sample 597 enfiah niin hri kai mi 238 hmuh an ni a, Lunglei-a RT-PCR Laboratory-ah Sample 158 enfiah niin hri kai mi 38 hmuh an ni bawk. Fluorescent Immunoassay Test hmangin Aizawl District-ah Sample 47 enfiah niin hri kai mi 9 hmuh an ni a, Serchhip District-ah Sample 105 enfiah niin hri kai mi 14 hmuh an ni bawk.

District hrang hranga TrueNat Laboratory-ah Sample 234 enfiah niin hri kai mi 70 hmuh an ni bawk a, an zinga 23 te chu Mamit District-a hri kai hmuhchhuah niin Lawngtlai District-ah 12, Kolasib District-ah 9, Champhai District-ah 8, Serchhip District-ah 6, Khawzawl District-ah 5, Hnahthial District-ah 3 leh Siaha leh Saitual District-ah mi 2 ve ve an ni.

Rapid Antigen Test hmanga Sample enfiah 6211 atangin hri kai mi 1306 hmuh an ni bawk a, Aizawl District-ah 296, Lunglei District-ah 202, Khawzawl District-ah 148, Mamit District-ah 129, Serchhip District-ah 119, Champhai District-ah 105, Saitual District-ah 103, Kolasib District-ah 91, Hnahthial District-ah 81, Siaha District-ah 20 leh Lawngtlai District-ah mi 12 te an ni.

Nimin khan Mizoram-ah hri kai enkawl dam mi 1674 awmin heti hian Mizoram-a hri kai hmuh tawh zawng zawng chu 2,07,994 niin an zinga 1,99,394 (95.87%) te chu enkawl dam an ni tawh a, hri kai enkawllai 7954 la awmin hri kai zingah mi 646 an boral tawh bawk a ni.