Mipui ten inkaihhruaina an zawm dan en dan tur rel

Task Group on Monitoring of CAB & COVID-19 Restrictions chu niminpiah khan thukhawmin hri leng laka himna tura inkaihhruaina dan mipui ten an zawm that leh that loh enzui dan tur an sawiho.

He Task Group hian COVID-19 Guidelines te, COVID SOP, COVID Appropriate Behaviour (CAB) leh COVID No Tolerance Week/Drive te Mizoram District hrang hrangah zawm that a nih leh nih lohte leh dan bawhchhiate man leh pawisa chawitir an nih dan te nitin an khaikhawm dawn a. He thutkhawm ah hian an Chairman leh DM&R Secretary Vanlalngaihsaka chuan mahni tana tha tih hre reng chung pawha sawrkarin COVID dona tura dan leh hmalakna hrang hrang a duante zawm tha duh chuang lo an la tam em em tih sawiin, chuvangin mipuite mahni inven leh an fimkhur zual dan tur inzirtir leh inhrilhriatna kawngah thlahdah lova tan lak zel a pawimawh a ni, a ti a. Hemi kawngah hian District tina DDMA-te bakah NGO, Task Force leh Media te thawhpui zel a, hman tangkai zel tum a nih thu a sawi.

He Meeting hian Mizoram State chhunga District zawng zawngte kar khat chhunga COVID-19 inkaihhruaina an zawm that leh thatloh dan chu Media-ah puanzar zel an rel a ni.