Latest News

Chanchin thar lawrkhawm :

Mizoram fang tur vailiam

Thuchah hrang hrang keng chunga Ke-a Mizo-ram fanchhuah tuma thawk mek Lalbiakthanga (64), Lawipu Veng Aizawl chu nimin khan Aizawl Sikulpuikawn atangin MJA General Hqrs. President Zonunsanga Khiangte chuan a vailiam a, hnam inpumkhatna, thih hnua midangte tana Mit pek a pawimawhna, tuihna leh nungcha hum-halh pawimawhna te thehdarh pah zel tura ke ngata Mizoram fan chhuah a tumna chu ropui a tih thu a sawi a ni. Lalbiakthanga hian Feb. 9, 2022 khan Vairengte atangin bul a tan a, Kolasib tlangdung a fan hnuah Bairabi-ah letin Mamit lam a fan hnuah Reiek atangin Aizawl a lut a, tunah hian chhimlam panin a chhuak leh a ni.


TC cancel turin hma la tawh

Dan diklo-a Tribal Certificate neih avanga MSU ten an zawn mek Kamrul Laskar, Kamlova Chhangte chuan Schedule Tribe Certificate a neih chu nasa taka a zawn hnuah Original a hmu tawhlo tih sawiin, a ST Certificate hi cancel turin DC-ah a buaipui mek thu leh hemi atana document pawimawh te Scan copy a pek tawh thu a sawi bawk.


Debate nei tura sawmna thlen

PC Party chuan ‘Power & Electricity Department a thawk mi 973 an duhsak zawng te an nih avang chauha tul  miah lo leh mamawh miah lova an lak  te hlawh siam nan mipuite thlatin Eng chhit man a pun phah’ tia thuchhuah an lo siam tawh chu MNF Party in thu diklo nia an sawi hnuah PC Party chuan mipui in thudik an hriat theihna tura MNF party te debate neihpui tura an sawmna chu chhanna an hmu lo niin an sawi a. Hei hi Official-a sawmna an beisei nia hriain PC Party chuan nimin khan MNF President hnenah live a debate nei tura sawmna chu ziakin an thlen leh bawk.


Thawhdunna tur ziakfel

Sericulture Department chuan Lenbuang Handloom & Handicrafts neitu K. Lalmuanpuii nen nimin khan thawhdunna thuthlung, Memorandum of Understanding (MoU) an ziak a, he MoU hnuaiah hian Sericulture Department in Lenbuang hnuaia puantahtute hnenah a thlawn in Silk la an pe ang a, an tah zawh hnuah Sericulture Department hian Silk la man lo paih (cut) in a lei let sak leh dawn a ni. Silk tahtu turte chu K. Lalmuanpuii hian lo zawngin Sericulture Department hnenah hian Silk tahte chu a hlan chhawng zel dawn a ni.

Comments

Popular News (Last 30 Days)