Dan lova Kuhva rah tawlhruk chungchang sawiho

/

Home Minister Lalchamliana chu Central YMA hruaituten Zirtawpni khan kawmin Dan lova Kuhva tawlh ruk dona kawngah YMA leh Police te thawhho dan tur chungchang an sawiho.

He inkawmna ah hian Central YMA hruaitute hian Kuhva tawlhruk an duh loh chhan te leh khawtlang leh mimal nun a nghawng dan te bakah hma la tura Sawrkar an beisei dan te an sawi a. Police hotu liante pawhin hma an lak dan leh Kuhva tawlhruk an man tawh dan te an tarlang bawk.

Home Minister chuan YMA leh Police te theihtawp chhuaha thawkho zel turin a chah a, he inkawmhona hunah hian Mizoram Police hotu - IGP leh a thawhpuite an tel bawk a ni.

Mizoram Police leh CYMA te hian hmalak ho dan tur duangin Dan lova Kuhva tawlh ruk dona kawngah YMA ten Police te tanpuiin a thawhpui ang a, Sawrkarin Check Gate hawn belh dan tur leh tih changtlun dan tur a lo enzui tur thu leh a theih angin Check Gate-a Police Duty te dah belh a tihchangtlung turin Sawrkarin hma a la dawn tih Central YMA chuan an sawi a. Central YMA hian dan lova kuhva rah tawlhruk tihtawp a nih theih nan hma la in YMA Sub-Hqrs., Group leh Branch hrang hrangte chu anmahni huamchhunga dan lova Kuhva rah tawlhruk a awm anih chuan Police Station hnai bera hriattir turin an ngen a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »