Tuikum bialtu MLA in Vanchengte a tlawh

Tuikum bialtu MLA Er. Lalrinawma chuan nimin khan a bial chhunga Vanchengte khua chu tlawhin khawtlang hruaitute nen inkawmna an nei.

Nimin a Vanchengte a tlawhna ah hian Er. Lalrinawma chuan Vanchengte khua in an la neih ngai loh Health Clinic Centre chu an khuah ah din a ni dawn tih sawiin, khawtlang hruaitute leh tlawmngai pawl hruaitute nen a hmun tur an en nghal a. Sawrkar in hma a lak hma atan an khawtlang mipui ten an mamawh tawh avangin Health Centre in a mamawh tur hmanrua leh Health Worker te chu MLA Fund atanga a tum sak tur thu a sawi bawk.

Tuikum bialtu MLA hian Vanchengte khaw tuilakna tur hmun pawh a tlawh nghal a, khawtlang hmasawnna hnathawh hrang hrangte pawh a hmunah a en nghal a, khawtlang mamawh an lo thlen te pawh a theih anga a tih hlawhtlin sak an nih tur thu a sawi bawk.

Er. Lalrinawma chuan Vanchengte khaw-tlang hruaitute hnenah COVID-19 Rapid Antigen Test (RAT)-na tur Test Kit bakah Face Mask te pawh pe nghalin hri leng inkaidarh lo tura fimkhur a pawimawh thu a sawi bawk.