Ke-a Mizoram fang turin Serchhip a tlawh

India ram zalenna kum 75 tlin lawmna atan leh thuchah hrang hrang kenga ke-a Mizoram fan tum Lalbiakthanga (64),Lawipu Veng Aizawl chuan nimin khan Serchhip rawn thlengin Serchhip-a thuthar thehdarhtu ten an lo dawngsawng a ni.


Sailulak khawchhuak, tuna Lawipu Veng Aizawl-a awm Lalbiakthanga hian ke-a Mizoram fang turin February ni 9, 2022 khan Vairengte atangin a tan a, Kolasib tlangdung a fan hnuah Bairabi-ah let thla lehin, Bairabi atang hian Mamit tlangdung a fang a, Reiek atanga Aizawl lutin, tunkar Thawhtanni khan Mizoram chhim lam fang turin Aizawl a chhuahsan a, nizan hmasa khan Chhiahtlang-ah riakin nimin khan Serchhip a chhuahsan leh a, amah lo hmuaktu Serchhip-a thuthar thehdarhtute hnenah hetianga ke-a a kal chhan hrang hrangte a sawi bawk.

Ruahman lawk ang chuan Lalbiakthanga hian Hnahthial kaltlangin Lunglei a lut anga, Lunglei atangin Chawngte pan lehin hemi hnu hian Lawngtlai leh Siaha a tlawh leh ang. Sangau tlangdung fang lehin Khawzawl leh Champhai tlangdung a fan hnuah Sakawrdai-ah a tawpna a hmang dawn a ni. Lalbiakthanga hian nikum lam khan Myanmar-a mipui sawrkar tundin phutna atan Aizawl atanga Zokhawthar thleng chu ke in a lo kal tawh bawk a ni.

Comments

Popular posts from this blog

Tukverh-a tlasual boral