Hri kai hmuh tam ber ni thleng chhunzawm zel

Mizoram-ah COVID-19 hri kai hmuhchhuah an la pung zel a, niminpiah khan ni khat-a hri kai hmuhchhuah tam ber ni thleng lehin Sample enfiah 9223 atangin hri kai mi 2573 zet hmuh an ni a, Sample enfiah atanga za zela 27.90 te chuan hri an kai a ni.

Niminpiah khan ZMC-a RT-PCR Laboratory-ah Sample 1874 enfiah niin hri kai mi 663 hmuh an ni a, Lunglei-a RT-PCR Laboratory-ah Sample 119 enfiah niin hri kai mi 17 hmuh an ni bawk. Fluorescent Immunoassay Test hmangin Aizawl-ah Sample 80 enfiah niin hri kai mi 19 hmuh an awm bawk a, an vai hian Aizawl khawpui chhung a mi te an ni.

District hrang hranga TrueNat Laboratory-ah Sample 305 enfiah niin hri kai mi 119 hmuh an ni a, an zinga 30 chu Kolasib District ami te niin Mamit District-ah 27, Lawngtlai District-ah 19, Serchhip District-ah 12, Champhai District-ah 11, Saitual District-ah 10, Hnahthial District-ah 5, Aizawl leh Siaha District-ah mi 2 ve ve leh Lunglei District-ah hri kai mi pakhat hmuh an ni bawk.

Rapid Antigen Test hmangin niminpiah khan Mizoram-ah Sample 6845 enfiah niin hri kai mi 1755 hmuh an ni bawk a, an zinga 885 te chu Aizawl District ami te niin Mamit District-ah 227, Lunglei District-ah 200, Kolasib District-ah 117, Serchhip District-ah 79, Khawzawl District-ah 67, Saitual District-ah 57, Champhai leh Lawngtlai District-ah 48 ve ve, Hnahthial District-ah 20 leh Siaha District-ah hri kai mi 7 hmuh an ni bawk.

Nimin khan Mizoram-ah COVID-19 hri kai mi 1918 enkawl dam an ni leh bawk a, heti hian nimin tlai dar 5:00 thlenga Mizoram-a hri kai hmuhchhuah chu 1,77,595 niin an zinga 1,63,560 te chu enkawl dam an ni tawh a, hri kai hmuhchhuah atanga za zela 92.09 te chu enkawl dam ni tawhin hri kai enkawllai 13,418 an la awm a, hri kai zingah mi 617 an boral tawh bawk a ni.