Dan kalh-a thil tih-a sawrkar hmalakna thlir reng tum

ZPM Party chuan Contract hnathawh-a dan kalha thil tihna chungchangah sawrkar in engtin nge hma a lak zui dawn tih an thlir reng dawn tih an sawi.

Nimin a thuchhuah an siamah ZPM Party chuan Chief Minister in niminpiah a thuthar thehdarhtute a kawmna-a a thu sawi ah Sawrkar kalphung pangngai awmsa reng bawhchhe mektu, mi hming hawha contract hna thawh mek thahnem tak MNF Sawrkarah hian a awm ngei tih a lang chiang hle nia tarlangin, anmahni thlavang hauh zawng niawm taka Chief Minister meuh a tawng chhuak ta leh, heng te hi thil nihphung pangngai ang maia ngaia, thil dik lo awm te siamthat tumna engmah a awm lo nia lang chuan kan sawrkar lai mekin ram tana tha tur ngaihtuah aia mahni pumpui hma chauh ngaiin ram rorelna a kalpui mek a ni tih chiang taka a tarlan thu an sawi a. “Hetianga dan lova thiltih chungchangah hian engtin nge hma a lak zui zel dawn tih hi ZPM chuan a lo thlir reng dawn a ni,” an ti bawk.