Chakai Farm chungchang House-ah sawifiah

Fisheries Minister K. Lalrinliana chuan Chakai Farm an buaipui mek chu cheng naui 547 senna tur ni anga mi thenkhatin Social Media lama an thehdarh chu thudik lo a nih tih sawiin, he thilah hian FIR thehluh an tum thu a sawi.

Nimin-a Assembly Session neihah MNF Member Zothantluanga zawhna kal zelah MNF Member Lalrinsanga Ralte-in Chakai Farm dinhmun sawifiah tura a ngen angin Fisheries Minister chuan Social Media lama ‘David Sailo’ tih leh midang te'n Chakai Farm chu cheng nuai 547 senna tur a nih thu leh Chakai pakhat Rs. 9000/- man anga an sawi chu thudik lo a nih thu sawiin, hemi chungchang hi an Department Secretary leh Director te nen pawh an sawiho thu a sawi a, “FIR thehlut ila, i man chhuak teh ang u kan ti,” a ti.

K. Lalrinliana chuan, Chakai Farm an kalpui dan leh hemi atana SEDP atanga an sum hmunte sawifiahin, chhungkaw tinin an ei than Chakai chu thianghlim zawka khawi a, tharchhuah dan kawng an zawn thu te, a enchhin nan Farm pakhatin DPR an siam a, Department-in an zirchian hnuah pawisa an dil a, SEDP atangin cheng nuai 57 pek an nih thu leh Finance Department-in Contractor profit an cut sak leh hnua hnathawhna atana an sum hmuh tak chu Rs. 52,97,000/- a nih thu a sawi a, tunah hian Chakai khawina tur pathum (3) an siam tawh a, sum pawh Rs. 36,97,000/- an hman tawh thu leh a bak cheng nuai 20 lai chu hman loh in a la awm thu a sawi a, Chakai Farm Pilot Projcet chu an la zofel lo tih a sawi bawk.

Fisheries Minister chuan, kan ram luidunga ei chi te tih puna, lui lam sa ei tur kan ngah theih na tura ruahmanna an kalpui mek laia thawktute leh he thil-a ngaihtuahna hmangtute ti beidawng zawnga thil a kal thin chu pawi a tih thu a sawi a. Chakai Farm chu a hlawhtlin ngei theih nana theihtawp an chhuah thu te, Chakai chu an khawi pun ngei theih an beisei thu te a sawi bawk a ni.

Comments

Popular posts from this blog

Tukverh-a tlasual boral