Hri kai hmuh la pung zel

Serchhip District-ah COVID-19 hri kai hmuhchhuah an la pung zel a, nimin khan hri kai mi 153 zet hmuhchhuah leh niin hri kai hmuh tawh zawng zawng pawh 10,986 an tling tawh.

Nimin a Serchhip District-a hrikai hmuhchhuah zingah hian Serchhip-a hri kai hmuhchhuah mi 59 zet awm belh lehin an zinga 33 lai chu Vengchung a hri kai hmuhchhuah an ni a, P&E Veng-ah hri kai mi 10 hmuh ni bawkin Zozam Veng-ah mi 5, AOC Veng-ah mi 3, Darnam Veng leh Dinthar Veng-ah mi 2 ve ve leh New Serchhip Bazar Veng, New Serchhip Venglai, Tuikhuah Veng leh Field Veng-ah hri kai mi pakhat theuh hmuh an ni bawk.

Heng bakah hian Thenzawl-ah hri kai mi 27 hmuh niin Bungtlang-ah 22, Chhingchhip khua ah 17, North Vanlaiphai-ah 11, Thentlang ah 7, Chhiahtlang-ah mi 5, Neihloh-ah mi 3 leh Hriangtlang leh Lungchhuan-ah mi pakhat ve ve hmuh an ni bawk.

Niminpiah khan Serchhip District-ah hri kai mi 80 hmuh niin an vaiin Rapid Antigen Test hmanga hmuhchhuah vek an ni a, Serchhip-ah hri kai mi 44 hmuh niin Thenzawl-ah 24, Chhiah-tlang-ah 5, East Lungdar leh Sailulak-ah mi 3 ve ve leh Buangpui-ah mi pakhat te an ni.

Nimin khan Serchhip Ditrict-ah hri kai enkawl dam mi 157 an awm belh leh bawk a, heti hian Serchhip District-a hri kai hmuh tawh zawng zawng chu 10,986 an tling ta a, hri kai zingah mi 9912 enkawl dam ni tawhin enkawllai 1074 an la awm a, mi 27 an boral tawh a ni.