Latest News

Kawng dan mawhphurtu BJP - ZPM Vice President

ZPM Vice President, K. Sapdanga chuan Mizoram hrek riltam tuma Lailapur khuaa motor dang tlat tura thu petu chu BJP an nih thu a sawi.

Nimin-a Press Statement a siamah ZPM Vice President chuan November 7, 2020 (Inrinni)-a Union Home Secretary hova Assam leh Mizoram Chief Secretary-ten Video Conferencing an neih khan, ramri ai mahin Road Block chungchang in sawi a hlawh tih tarlangin, Assam Top Official, Chief Secretary chuan Lailapur Road Block titawp tur chuan Central Force, SSB leh BSF te chu Assam State sawrkar duhna hmunah ngei dah hmasak phawt a rawn phut tih tarlangin, hei hian he Road Block hi Assam State BJP sawrkar tih tir a nih a rawn puang chiang ta niin a tarlang.

Hei bakah hian he Road Block hi Economic Blockade ngawt a nih loh thu leh Political Blockade a lo ni reng tih a chiang ta hle bawk nia tarlangin, “Chuti a nih chuan, Mizoram-a BJP member-te hian he Road Block-ah hian mawh an phur tel ve lo thei lo a, NEDA leh NDA-a bawm khata awm MNF sawrkar leh MNF Party pawh hian mawh an phur tel ve bawk,” a ti a. “Heng avang hian, BJP Mizoram State Unit leh NEDA member-te hian an bulpuiten Mizoram mipui min hrek hi engtinnge an tih dawn tih kan lo ngaichang ang a, chu chu mi dangten kan tih theih tawk niin a lang,” a ti a. NGO hrang hrang- YMA te, MZP te, ZDU ten an theih ang anga tha an thawh pawha a sawt theih miah loh chhan chu BJP-in a hnuk an lo vawn tlat vang a nih thu a tarlang bawk.

Comments

Popular News (Last 30 Days)