MPCC in a huikhawm zawnga che turin sawrkar beisei

Mizoram Pradesh Congress Committee (MPCC) chuan tunhnaia Assam leh Mizoram ramri-a buaina thleng chungchangah Mizoram sawrkar chu Political party, NGO, Kohhran leh mipuite min huikhawm zawnga che tura an beisei thu an sawi.

Inrinni-a Aizawl-a thuthar theh-darhtute an kawmna ah MPCC hruaitute chuan tunhnaia Assam atanga ramri chungchanga harsatna Mizoram-in kan tawh mek lai leh thisen hial a chhuah tawh avangin Mizoram mipui, Kohhran, NGO leh political party zawng zawng kan tang-rual a ni tih lantir nan sawrkar hian heng pawl zawng zawng telna tur ‘Huapzo Meeting’ a koh an duh thu leh hei hi a harsa a nih pawhin ‘All Party Meeting’ tal ko ngei se an duh thu an sawi a ni.

MPCC chuan ramri buai chungchang ah Assam lamin kum 1986-a MNF leh India sawrkar in an pawm anga an sawi chu Mizo mipui tana pawm theih a nih loh dan leh Mizoram-in a pawm chin ramri fiah taka tarlanna nen Assam sawrkar chu hrilhfiah ngei se an duh thu te, Lailapur miten National Highway-306 an danchah avanga Sil-char lama Mizo driver la tangkhang te Mizoram an lo thlen theihna tura Mizoram sawrkarin chhan-chhuahna kalpui vat se an duh thu te, Vairengte leh a chhehvel khuaa mipuiin Mizoram Armed Police Force te duty-na tur leh inkah a awm palh pawha an tanhmun tur an siamsakte chu Sawrkar hmalakna tuaihnum nise an duh thu te, AMC huamchhunga inkharkhip a nih mek laia Lailapur a kawngpui dan a nih leh zel avanga khawsak harsa zawkte tanpuina tur ruahmanna siam tura sawrkar an duh thu leh Central sawrkar-in Mizo-ram leh Assam ramri buaina laia Sashastra Seema Bal leh Border Security Force dah a tum dan chu mipui hnenah dik taka puangzar tura an duh thute an sawi bawk a ni. 

Comments

Chhiar Hlawhte

North Vanlaiphai Village Council-ah inthlanna neih that leh a tul dawn