Bazar-ah Lehkha Ip sem

/

Govt. Serchhip College-a National Service Scheme (NSS) leh Eco Club te chuan Inrinni zing khan Serchhip-ah lehkha hmanga siam ip (paper bag) an sem.

Govt. Serchhip College-a NSS leh Eco Club te hian Serchhip Bazar leh New Serchhip Bazar-ah te heng Lehkha Ip hi semin he hun hi Dr. C. Vanlalnghaka, Green Teacher Eco Club chuan kaihruaiin, NSS Programme Officer, C. Lalramliana chuan Bazar-a thil zuar thin te hnenah tawih theilo polythene bag hman thatloh zia leh tawiral thei lehkha hmanga ip siam hman uar a tul thu te, mihring tana hrisel lo, chaw-hmeh fun nana polythene hman nasat lutuk tih ziaawm nan hetiang hian hma an lak thu te sawiin, Bazar-a chawhmeh zuarte chu a tlem thei ang ber Polythene hmang tur leh lehkha ip chu chawhmeh tawih theih chi te fun nan hmang uar turin a ngen nghal bawk a ni.

Govt. Serchhip College-a National Service Scheme (NSS) leh Eco Club te hian tum hnih lai Paper Bag siam hnatlang leh semna hun hi an lo neih tawh a. Tun tumah hian Lehkha Ip an sem hi 4000 vel zet niin heng lehkha te siam nan hian Office-a hman hnu lehkha hlui leh School naupang Test Paper hlui khawlkhawm te an hmang a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »