Mizoram-ah COVID-19 hri kai 65 hmuh leh an ni

Niminpiah khan Mizoram-ah COVID-19 hri kai mi 65 zet hmuhchhuah leh an ni a, hri kai te zingah hian Hostel-a awm zirlai naupang 25 zet an tel a ni.

Niminpiah khan ZMC Laboratory-ah Sample 890 enfiah niin heng atang hian COVID-19 hri kai mi 55 hmuhchhuah an ni a, heng te hi Aizawl District-a Sample lak vek an ni. Heng hri kai zinga mi 25 te hi Hostel-a awm naupangte niin mipa 1 leh hmeichhia 9 an ni a, Mizoram chhung hmun hrang hrang ami te niin Serchhip atang pawhin mi 2 an tel a, midang te hi Aizawl Venghnuai, Edenthar, MINECO, Chanmari, Muallungthu, Rullam, Darlawng, Mamit, Cherhlun, Champhai, Hortoki, Kawnpui, Siaha atangin mi 2, Siachangkawn, Saipum atangin mi 2, Kolasib, Mualvum, Buarpui, Zawlnuam, Khankawn leh Chhingchhip ami te an ni a. Hei bakah hian Staines Memorial School, Chanmari-a thawk mi 3 te chuan hri an kai tih hmuhchhuah a ni bawk.

Heng bak niminpiah a Aizawl-a hri kai hmuhchhuah te hi Chan-mari atangin mi 7, Ramthar Veng atangin mi 4, Khatla atangin mi 3, Bethlehem atangin mi 2 leh Lungmual, Ramhlun Vengthar, Republic Vengthlang, Dinthar, Phunchawng, MZU Campus Tanhril, Salem Veng, Zemabawk, Neihbawi Sihphir, Dawrpui leh Falkland Venghlun atangin mi pakhat theuh an ni.

Niminpiah a Rapid Antigen Test hmanga Mizoram-a Sample enfiah 209 atangin hri kai mi 9 hmuh ni bawkin an zinga mi 7 chu Aizawl District-a hri kai hmuh te an ni a, Bethlehem Vengthlang atangin hri kai 3 hmuh niin Venghlui atangin mi 2 leh Dinthar leh Chanmari West atangin hri kai pakhat ve ve hmuh an ni a, Lunglei District leh Lawngtlai District-a hri kai pakhat ve ve hmuh a ni bawk. District hrang hranga TrueNat Laboratory-ah niminpiah khan Sample 116 enfiah niin hri kai pakhat hmuh a ni bawk a, hri kai hmuhchhuah hi Champhai Electric Veng a mi a ni.

India ramah hri kai hmuhchhuah pung leh hret :

Darkar 24 kalta chhungin India ramah COVID-19 hri kai hmuh-chhuah pung leh hlekin hri kai 50,210 hmuhchhuah leh an ni. Darkar 24 kalta chhung khan India ramah sample 12,09,425 enfiah leh niin heng atang hian COVID-19 hri kai mi 50,210 hmuh leh an ni a, heti hian tun thlengin India ramah Sample 11,42,08,384 enfiah ni tawhin hri kai 83,64,086 hmuh an ni tawh a, Sample enfiah atanga za zela 7.32 te chuan hri an kai a ni.

Darkar 24 kalta chhung khan India ramah hri kai mi 55,331 te chu enkawl dam leh niin tun thlengin mi 77,11,809 te chu enkawl dam an ni tawh a, hei hi hri kai hmuhchhuah atangin zaa 92.20 niin tunah hian hri kai enkawllai 5,27,962 an la awm a, hei hi hri kai hmuhchhuah atangin zaa 6.31 a ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn